Overordna samfunnsmål: Bremanger kommune er eit framtidsretta samfunn som tek vare på naturgjevne fortrinn, kulturell identitet og som har levande lokalmiljø. Kommunen har høg bustads-, arbeids- og besøksattraktivitet og er i vekst.
Visjon: Leve, virke, nyte - heile livet — alle innbyggjarane skal ha god livskvalitet, i alle livsfasar.
Demografi: Kommunen si fremste utfordring er å stabilisere folketalet og helst få til ei auke.
Bustadutvikling: Kommunen skal ha spesielt fokus på fortetting i tettstadane og sentrumsutvikling, samtidig som det skal vere tilgjengelege tomtar i alle bygdene.
Bustadutvikling: Planlegge og legge til rette for attraktive og tilgjengelege bustadar for alle befolkningsgrupper.
Bustad og folkehelse: Bustad og folkehelse skal sjåast i samanheng, slik at kommunen gjennom planlegging legg til rette for nok bustadar i gode bumiljø for alle, høve til trygg etablering i enten eigd eller leigd bustad, og stabile buforhold som fremjar velferd og deltaking.
Sosial utjamning: Redusere sosial ulikskap og gje auka høve til fysisk aktivitet gjennom frivillegsentral og BUA med utlån av fritidsutstyr.
Friluftsliv: Tilgang til nærfriluftsliv, spesielt i tettstadane, og tilgjengeleggjering av friluftsområde for alle brukargrupper må ha fokus i arealplanlegginga.
Vasskvalitet: Utviding av eksisterande vassverk for å knyte til fleire abonnentar er ei prioritert oppgåve, som vil bidra til betre kontroll med vasskvaliteten til innbyggjarane.
Mobbing: Kontinuerleg fokus på problemet med mobbing og at førebyggande tiltak vert prioritert i alle planar som gjeld barn og unge.
Folkehelse tverrsektorielt: Folkehelseomsyn og korleis kommunen skal arbeide med sosial utjamning og for å motverke utanforskap vil vere sentrale tema i temaplanane. Fokus på førebygging av fysiske og psykiske lidingar og utanforskap.
Klimagassutslepp: Det bør vere ei målsetting om reduserte klimautslepp, både knytt til kommunale tenester og for samfunnet generelt, og det må planleggjast tiltak for å redusere klimautsleppa i kommunen.
Naturmangfald: Kunnskapen om naturmangfaldet i kommunen må oppdaterast og vidareutviklast for å kunne gje grunnlag for god arealbruk og berekraftig økologisk utvikling.
Vassførekomstar: Miljømåla skal sikre eit heilskapleg vern og berekraftig bruk av vatnet. Arbeidet med oppfølging av avløp bør forankrast i ein eigen kommunedelplan for avløp og vassmiljø.
Jordvern og landbruk: For å kunne oppretthalde, og mulig auke, dyrehaldet og drifta av jordbruksareala må det gjerast tiltak for å mobilisere og motivere til utvikling av næringa lokalt. Jordvern og ivaretaking av dei viktigaste jordbruksareala må vere tema i alle arealplanarbeid.
Beredskap: Bremanger kommune har ansvar for å ivareta innbyggjarane sin tryggleik. Heilskapleg ROS-analyse og overordna beredskapsplan skal leggjast fram for kommunestyret så tidleg som råd i kvar kommunestyreperiode.
Rekruttering: Tiltak for å auke folketalet og tiltrekkje oss ung arbeidskraft vil vere positivt også for beredskapen til kommunen. Kommunestyret har vedteke ein rekrutteringspakke som skal gjere kommunen meir attraktiv i konkurransen om arbeidskrafta.