Klimagassutslepp: Bømlasamfunnet vil følgja FN og Noreg sine klimamål om å redusera klimagassutsleppa med minst 55% innan 2030 og 90–95% i 2050, samanlikna med 1990
Måltall: Minst 55% reduksjon innan 2030, 90–95% innan 2050
Naturvern: Bømlo skal vera med på det nasjonale målet om å verne 30% av natur på land, og skal bevare våre vassførekomster i tråd med overordna mål
Måltall: 30%
Arealnøytralitet: Bømlo kommune skal ha mål om å vera mest mogleg arealnøytral. Det skal vera fokus på høg arealutnytting for å minimera inngrep i natur
Karbonlagre: Bømlo kommune skal unngå å redusera naturlege karbonlagre, og sjå på moglegheit for å auka CO2-opptak ved å planta meir skog
Klimarisiko: Bømlo skal vera eit samfunn med låg klimarisiko
Vassforvaltning: Bømlo kommune skal jobba aktivt etter miljømåla i EU sitt vassdirektiv og krava i EU sitt avlaupsdirektiv
Berekraftig kommuneøkonomi: Bømlo kommune skal forvalta økonomien slik at den økonomiske handleevna bli ivaretatt over tid. Dei årlege budsjett- og økonomiplanane skal vera realistiske og i balanse både når det gjeld investeringar og drift
Inkludering i arbeidsliv: Eit viktig fokus blir å arbeida for å redusera utanforskapet i arbeidslivet gjennom bevisst strategi om inkludering
Tilflytting: Me treng at fleire flyttar til Bømlo. Me konkurrerar med svært mange andre kommunar, og me må appellera til ulike grupper av moglege tilflyttarar
Kjønnsgap: Me vil redusera «kjønnsgapet» i yrkeslivet
Jordvern: Bømlo kommune skal bidra til å overhalda det nasjonale jordvernmålet om omdisponering av dyrka jord og skal ikkje overstige sin kvote frå fylket som pr. i dag er på 4 dekar i året
Måltall: Maks 4 dekar per år
Kystlynghei: Bømlo kommune har eit mål om å bevara kystlynghei
Skuleveg: Prioritera trygge skulevegar, og skule- og bustadområda må bindast saman med gang- og sykkelvegar for å oppnå målet om at 80% av elevar utan ordinær skuleskyss skal gå eller sykla til skulen
Måltall: 80%
Trafikktryggleik: Bømlo skal halda fram med å vera «Trafikksikker kommune» og ha ein nullvisjon for drepne og skadde i trafikken
Måltall: Nullvisjon
Generasjonsvenleg samfunn: Me må planleggja for det generasjonsvenlege samfunn med ein stadig høgare del eldre i kommunen vår framover
Sosial inkludering: Bømlasamfunnet skal ha nulltoleranse for alle former for sosial utestenging, diskriminering, rasisme, vald og trakassering
Bustadsosialt: Det overordna målet vårt er at alle skal kunna skaffa og behalda ein eigna bustad
Opplæring: Bømlo kommune skal sikra at barn og unge i Bømlo får den opplæring og utdanning dei har rett til, både når det gjeld dugleikar, kunnskapsfag og praktiske-estetiske fag
Lik tilgang til utdanning: På Bømlo skal alle vera sikra lik tilgang til utdanning, deriblant personar med nedsett funksjonsevne, flyktningar og barn i utsette situasjonar
Folkehelse og livsmeistring: Livsmeistring skal vera sentralt i alt arbeidet vårt. Barn som veks opp på Bømlo opplever seg sett, inkludert og at det er bruk for dei
Nynorsk: Bømlo er, og skal halda fram med å vera, ein kommune med nynorsk som målform
Samfunnstryggleik: Bømlo kommune skal sikra eit trygt samfunn gjennom systematisk handtering av risiko og sårbarheit og gjennom førebygging og god beredskap mot uønskte hendingar
Demokrati og medverknad: Me skal arbeida for at innbyggjarane får verka aktivt med i planarbeid, politiske prosessar og utvikling av samfunnet, uavhengig av alder og funksjonsnivå
Attraktiv arbeidsgjevar: Bømlo kommune skal vera ein trygg, inkluderande og attraktiv arbeidsgjevar
Berekraftig akvakultur: Nasjonale målsetjingar, som auka verdiar i sjømatproduksjon, må skje ved å sikre både miljømessig, økonomisk og sosial berekraft
Sirkulær økonomi: Heile Bømlasamfunnet må fase over til meir sirkulær økonomi, kor ein utnyttar ressursar og produkt effektivt og så lenge som mogleg, i krinslaup der minst mogleg ressursar går tapt